پاکستان کی ایما عالم نے 300 سے زائد ذہین افراد کو شکست دے کر ورلڈ میموری چیمپین شپ جیت لیا

پاکستان کی ذہین اور ہونہار لڑکی ایما عالم نے 16 ممالک کے 300 سے زائد ذہین افراد کو شکست دے کر ورلڈ میموری چیمپئن شپ جیت لی ہے۔ 

تفصیلات کے مطابق لندن میں ہونے والی سال 2020ءکی ورلڈ میموری چیمپین شپ میں ایما عالم، سیدہ کِسا زہرہ، عبیرہ اطہر اور سید نبیل حسین پر مشتمل پاکستانی ٹیم نے چیمپئن شپ کا ٹائٹل اپنے نام کیا جبکہ ایما عالم نے یادداشت کے مقابلوں میں کئی عالمی ریکارڈز بھی توڑے ہیں۔

ذہانت اور یادداشت کے مختلف مقابلوں میں پاکستانی ٹیم نے مجموعی طور پر 13 میڈلز جیتے اور 4 عالمی ریکارڈز توڑے، گلوبل میموری چیمپین شپ میں چین، بھارت، ملائیشیا، قطر، مصر، امریکا اور برطانیہ سمیت 16 ممالک کے 300 شرکاءنے حصہ لیا ہے۔